FEIRA RENACENTISTA  2018

FEIRA RENACENTISTA 2018

Dª María Loureiro García, Alcaldesa do Concello de Viveiro, informa que

A presente edición da Feira Renacentista terá lugar os días 5, 6, 7 e 8 de xullo de 2018; un ano máis, o concello será o encargado de organizar esta festa que xa se convertiu nun referente en toda a comarca.

Proximamente, o concello vai convocar unha reunión á que poderán asistir todos os veciños ou asociacións que desexen participar de forma activa no tradicional desembarco de Carlos V.

Así mesmo, en breve, o concello vai establecer o prazo para que as persoas interesadas poidan presentar as solicitudes de préstamo de material para a celebración de comidas na rúa; como sempre, o concello prestará todo o material do que dispón para a celebración destas comidas que, cada ano, van en aumento, dándolle prioridade as solicitudes presentadas polos veciños con respecto ás presentadas por establecementos hostaleiros.

Viveiro, na data que consta á marxe.

A alcaldesa

María Loureiro García

Uso de cookies
Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies

continuar