A praia de Viveiro, propiamente dita, atópase ó fondo do estuario viveirense, sendo a máis célebre, importante e concorrida do municipio e, posiblemente, do Cantábrico galego.
Praia única na costa lucense, segura de fina e branda area, con case dous quilómetros de lonxitude e oscilando de anchura entre 150 e 30 m segundo a marea.
Paralelo discorre un fermoso e amplo paseo marítimo con elementos artísticos e coidados xardíns que a unen coa cidade de Viveiro e a zona residencial de Covas, así como coa praia de Seiramar (pequena praia, continuación do areal de Covas, do que o separa un pequeno roqueiro, e coas súas mesmas características) e Sacido.
Posúe unha ampla e ben dotada zona de servicios, co parque municipal Pernas Peón á súa dereita, posto de socorro, cámping, hoteis, restaurantes, mesóns, pubes, discoteca, campo de fútbol e pavillóns e pistas polideportivas.
Excelentes accesos e rodados e peonís.
|
Paseo Marítimo
Praia de Covas
Os Castelos
Praia de Covas
|
