O calendario festivo de Viveiro é profano, costumismo e relixioso.
Entroido : encóntrase entre os máis antigos de Galicia, durante catro días (de sábado a martes), os viveirenses saen á rúa para demostrárlle-lo seu humor e cordialidade ós seus visitantes; estas festas teñen o seu punto culminante o Martes de Entroido, co desfile de carrozas, comparsas, grupos, etc. polas distintas rúas da cidade.
Semana Santa : declarada de interese turístico nacional, está considerada como unha das mellores de Galicia, pola riqueza das súas imaxes e pola súa antigüidade. Viveiro ten un bo número de confrarías, entre as que podemos nomear, a de Nuestra Señora del Rosario, Cristo de la Piedad, El Prendimiento, Las Siete Palabras e a Santa Cruz. Podemos destacar, entre outras, as seguintes procesións: O Encontro, que con imaxes articuladas representa o camiño do calvario de Xesús; O Desencravo e Santo Enterro, que representa o descendemento da cruz, para dar paso á procesión do Santo Enterro; a Última Cea, cos pasos da Cea, Horto, Ecce homo, O Nazareno e A Dolorosa; A Paixón, cos pasos do Prendemento, As Sete Palabras, A Piedade e María ó pé da cruz; Os Caladiños, que invita á oración e ó recollemento, na que o pobo enteiro acompaña á Dolorosa no seu regreso do calvario, xa entrada a madrugada. Ampliar [+]
Rapa das Bestas : Declarada tamén de interese turístico nacional, celébrase o primeiro domingo de xullo, agás que o día 1 coincida en domingo, celebrándose entón o segundo domingo, nos montes de Buio, é unha típica e antiquísima operación de corta de rabo e crinas, así como de doma de cabalos en estado salvaxe que se crían nesta serra.
Festas Patronais : Celébranse na semana do 15 de agosto, dedicadas ó copatrón da cidade, San Roque e a Nosa Señora. Destacan entre os actos a celebración da mostra folclórica internacional, que está integrada en CIOFF, a feira de artesanía popular galega, a subida e romaría no monte San Roque a altas horas da madrugada do día 16, o día das cabezudas no souto das Nogueiras, carreira ciclista, campionato de tiro ó prato, etc.
Romeria do Naseiro (Romaxe do Bo Xantar): Declarada de interese turístico nacional. celébrase o cuarto domingo de agosto no lugar de Naseiro, á beira do río Landro, na parroquia de San Pedro; ten días dedicados ó polbo, caldo e á típica sardiñada onde a xente come, canta e baila sen parar durante catro días.
Santiago Apóstolo : O día 25 de xullo no porto de Celeiro, celébranse estas festas cunha popular procesión marítima pola ría de Viveiro.
|
 |
| Entroido |
 |
| Semana Santa |
 |
| Rapa das Bestas |
 |
| Festas Patronais |
 |
| Romería do Naseiro
|
 |
| Santiago Apóstolo |
|
