| Ruta da Silvarosa |
Para iniciar esta ruta partiremos do lugar de Tora, nas Pallaregas (parroquia de Covas), seguindo o sendeiro cara a arriba por un amplo camiño franqueado por un bosque de piñeiros e eucaliptos, ata chegar a Iña, cume da Silvarosa, desde onde podemos admirar unha panorámica de Viveiro e os seus arredores, dotados dunha extraordinaria beleza natural. Alí están as antigas minas da Silvarosa, onde antano as xentes dos arredores extraían o ferro das terras ferruxinosas. Aínda hoxe podemos aprecia-los pozos, canteiras e antigas edificacións.
Teremos que rodea-las casas da Silvarosa para encontra-lo sendeiro de baixada, camiño folgado rodeado dun amplo bosque de árbores autóctonas (carballos, bidueiros,…). Aproximadamente na metade do percorrido enlazaremos co camiño de subida.
|
|
|
|
