| Ruta de San Roque e dona Urraca |
Esta ruta parte da praza de Juan Donapetry (Pontelabrada), seguindo a estrada de Campo de Verdes ata chegar ó sendeiro que leva ás Cortes de dona Urraca, sen deixar de pasar pola fonte pública do mesmo nome. Debemos seguir entón o camiño por diante da casa de dona Urraca ata alcanzar novamente a estrada que leva a San Roque.
Cruzándoa encontramos de fronte o último treito do camiño que conduce directamente ó sementeiro de flora e fauna de San Roque. Chegados a este punto divisaremos a estrada ata o noso destino: o miradoiro de San Roque. Desde alí podemos chegar ata o Penedo do Galo, onde apreciamos unha panorámica diferente dos outros miradoiros da localidade como o monte Castelo.
De volta, podemos optar polo camiño de subida ou podemos baixar polo sendeiro situado á dereita da ermida (que é empregado tradicionalmente polos romeiros o 16 de agosto celebrando a festividade do patrón da cidade). Nesta baixada por camiños empinados cruzámo-la estrada en dúas ocasións ata chegar de novo ó punto de partida: a praza de Juan Donapetry.
|
|
|
|
