RUTAS DE SENDEIRISMO E OS PERCORRIDOS PANORÁMICOS DE SEMANA SANTA

RUTAS DE SENDEIRISMO E OS PERCORRIDOS PANORÁMICOS DE SEMANA SANTA

O CONCELLO DE VIVEIRO ABRE O PRAZO DE RESERVAS PARA AS RUTAS DE SENDEIRISMO E OS PERCORRIDOS PANORÁMICOS DE SEMANA SANTA

Viveiro, 18 de marzo de 2023. O Concello de Viveiro, a través da súa Concellería de Turismo, organizou de novo esta Semana Santa unha serie de visitas guiadas con percorridos panorámicos e rutas de sendeirismo polo municipio. Xa está aberto o prazo de inscrición.

Estas actividades teñen un carácter gratuíto e un aforo limitado, polo que é precisa a confirmación previa da reserva a través da dirección de correo electrónico viveirovisitas@gmail.com

A saída de todos os itinerarios terá lugar na Estación de autobuses de Viveiro.

O programa de rutas de sendeirismo e percorridos panorámicos da Semana Santa 2023 de Viveiro inclúe nove propostas que comezan o sábado día 1 de abril coa Ruta dos Muíños de Balea e o domingo 2 de abril co Vivertren de Covas a Celeiro, ambos ás 16:00 horas.

Ás 11:00 horas é a hora de saída do Percorrido panorámico ao Souto da Retorta do luns día 3, a Ruta polo paseo fluvial do Río Landro do 4, e a Visita ao Complexo Regal-Xunqueira do mércores 5 de abril.

O xoves 6 de abril ás 16:00 horas está organizada a Ruta do Monte San Roque, mentres que ao día seguinte repite, á mesma hora, o Vivertren de Covas a Celeiro.

A programación péchase o sábado 8 de abril coa Ruta dos Muíños de Balea e o domingo 9 co Percorrido panorámico ao Cargadoiro da Insua. Os dous con hora de inicio ás 11:00.

O Concello de Viveiro facilita o mail viveirovisitas@gmail.com para consultar ou ampliar a información sobre calquera das rutas.


 

Saúdos, Comunicación Concello de Viveiro

 

Uso de cookies
Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies

continuar