16
Xaneiro
AXUDAS PARA ACTUACIÓNS DE CORRECCIÓN DE IMPACTOS PAISAXÍSTICOS
O CONCELLO DE VIVEIRO INFORMA DA CONVOCATORIA AUTONÓMICA DAS AXUDAS PARA ACTUACIÓNS DE CORRECCIÓN DE IMPACTOS PAISAXÍSTICOS
Viveiro, 15 de xaneiro de 2024. O Diario Oficial de Galicia (DOGA) publicou hoxe, día 15 de xaneiro de 2024, a Resolución do 28 de novembro de 2023 pola que se aproban as bases reguladoras para a concesión, en réxime de concorrencia non competitiva, das axudas para actuacións de corrección de impactos paisaxísticos destinadas a persoas físicas, xestionadas por este instituto, e se establece a súa convocatoria para o ano 2024, tramitado como expediente anticipado de gasto (código de procedemento MT402A).
Este programa ten por obxecto por obxecto a corrección de impactos paisaxísticos, todo isto en congruencia cos valores paisaxísticos recollidos no Catálogo das paisaxes de Galicia e os obxectivos e criterios que expresan as directrices de paisaxe de Galicia (código de procedemento MT402A).
Sendo subvencionables as actuacións de restauración e/ou revestimento de elementos de fachada, o remate, renovación e/ou substitución do acabado exterior de cubertas e a recuperación, restauración e/ou revestimento de muros de peche de terreos.
O importe da subvención será do 70% do orzamento do investimento subvencionable (orzamento aceptado polo Instituto de Estudos do Territorio tendo en conta o valor de mercado), co límite máximo de 3.000 € por solicitante e ben.
O prazo de presentación de solicitudes comeza mañá, 16 de xaneiro, e remata o 15 de febreiro.
Para máis información e/ou tramitar as solicitudes da axuda, poden acudir á Oficina de Rehabilitación do Casco Histórico de Viveiro (Praza Maior, 1) ou chamar ó teléfono 982562968.
Saúdos, Comunicación Concello de Viveiro