BONO BUS ESTUDIANTES

O CONCELLO DE VIVEIRO FINANCIA O TRANSPORTE AO ESTUDANTADO QUE SE DESPRAZA FÓRA PARA CURSAR BACHERELATO, FP OU ESTUDOS UNIVERSITARIOS

Viveiro, 6 de outubro de 2020. O Concello de Viveiro mantén neste curso escolar 2020/2021 o seu compromiso de financiar o transporte ao estudantado que se despraza fóra de Viveiro por motivos académicos, xa sexa para cursar formación profesional ou estudos universitarios.

Xa están dispoñibles para a súa tramitación os bonos coa reducción do 50% financiada polo Concello con orixe Viveiro e destino Ribadeo, Lugo, A Coruña e Santiago. Estas son as tarifas:

Os bonos poden solicitarse na Omix en horario de 10:00 a 14:00 horas, sen cita previa e aportando xustificante de matrícula e foto carné, no mail informacion.xuvenil@viveiro.es ou chamando ao Concello 982 560128 (extensión 1135).

Na mesma liña, cómpre facer referencia ao servizo de transporte escolar gratuíto para desprazarse a Xove, San Cibrao e Burela, que emprega a mocidade de Viveiro que cursa estudos de Formación Profesional ou Bacharelato nalgún centro deses municipios. A día de hoxe están inscritas un total de 33 mozas e mozos, que empregan diariamente este servizo.

O goberno municipal é consciente do gasto que significa para as familias cando os seus fillos e fillas estudan fóra e con esta iniciativa pretende colaborar facilitando de maneira gratuita o servizo referido para os desprazamentos a Xove, San Cibrao ou Burela, e asumindo o pago do 50% do custe de cada viaxe no caso de estudantes universitarios ou de Formación Profesional, para desprazamentos a Ribadeo, Lugo, A Coruña e Santiago.

Saúdos, Comunicación do Concello de Viveiro

María Loureiro García