CAMIÑOS DE COÑECEMENTO E EXPERIENCIA

CAMIÑOS DE COÑECEMENTO E EXPERIENCIA

VIVEIRO ACOLLERÁ EN SETEMBRO O IV CICLO DO PROGRAMA UNIVERSITARIO DE MAIORES DA USC "CAMIÑOS DE COÑECEMENTO E EXPERIENCIA", DIRIXIDO A MAIORES DE 50 ANOS.

O Concello de Viveiro acollerá en setembro o IV Ciclo do Programa Universitario de Maiores da Universidade de Santiago de Compostela, que leva por título "Camiños de coñecemento e experiencia. Proxecto de democratización do Coñecemento", grazas a un acordo de colaboración entre a USC e este concello.

 

O programa distribúese ao longo de cinco xornadas nas que se inclúen seminarios sobre temáticas diversas e unha saída de campo, que serán impartidas por docentes da USC; entre as materias que se abordarán neste ciclo figuran o teatro, a biodiversidade e a conservación ou a arte. As clases teóricas impartiranse nas aulas da UNED, situadas nos Claustros de San Francisco; os desprazamentos para a saída de campo realizarase en autobús.

 

Todas aquelas persoas maiores de 50 anos interesadas en participar neste programa deben cubrir e presentar no rexistro municipal a ficha de inscrición que se lles facilitará na casa do concello. A matrícula é gratuíta e pode realizarse entre o 1 e o 31 de agosto; o mínimo de alumnos/as para que poidan ser impartidas as clases é de 10 e o máximo é de 28, realizándose a admisión por orde de inscripción.

 

 

Viveiro, 29 de xullo de 2019.

A Alcaldesa-Presidenta,

María Loureiro García

 

Folleto ..............................................................  

Hoja inscripción ............................................... 

 

 

Uso de cookies
Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies

continuar