06
Xuño
CAMPAÑA DE PROMOCIÓN DA RECICLAXE EN CENTROS EDUCATIVOS
A CONCELLERÍA DE MEDIO AMBIENTE DE VIVEIRO LANZA UNHA CAMPAÑA DE PROMOCIÓN DA RECICLAXE EN CENTROS EDUCATIVOS
Viveiro, 6 de xuño de 2024. A Concellería de Medio Ambiente de Viveiro dá comezo hoxe, xoves 6 de xuño, á súa nova campaña de promoción da reciclaxe nos centros educativos do municipio.
Esta iniciativa incluirá diversos obradoiros, que teñen como obxectivo a divulgación sobre a reciclaxe e a compostaxe entre o alumnado e os máis cativos, que están en período de formación e aprendizaxe.
Nestas actividades daranse a coñecer as diferentes fraccións de residuos e introduciranse os proxectos que ten posto en marcha o Concello de Viveiro neste ámbito.
Hoxe impartíronse tres obradoiros no CEIP Celeiro dirixidos ó alumnado de educación infantil, onde os nenos e as nenas aprenderon en que colector deben depositar cada residuo e en que consiste a compostaxe.
Esta primeira xornada tivo lugar entre as 10:00 e as 11:30 da mañá. Posteriormente tivo lugar unha segunda xornada de obradoiros no CEIP de Santa Rita, dirixida ó alumnado de educación primaria, entre as 12:30 e as 13:30 horas.
Saúdos, Comunicación Concello de Viveiro