CONCERTO DE SANTA ICÍA

O TEATRO PASTOR DÍAZ ACOLLE ESTE SÁBADO, 20 DE NOVEMBRO, O CONCERTO DE SANTA ICÍA DA BANDA MUNICIPAL O LANDRO DE VIVEIRO

Viveiro, 16 de novembro. O Teatro Pastor Díaz acolle este sábado, 20 de novembro, o tradicional concerto con motivo da festividade da patroa dos músicos, Santa Icía.

Este concerto, ‘Suite for a small band’ da Banda Municipal O Landro de Viveiro, será ás 20:30 horas e foi presentado hoxe no concello pola alcaldesa de Viveiro, María Loureiro; o teniente de alcalde, Jesús Fernández, Carlos Timiraos e Roque Fraga, director e presidente da banda.

 A banda vai facer oito agrupacións de xeito que no escenario haxa, como máximo, 18 músicos á vez para así gardar as distancias de seguridade.

“É un pracer para o concello colaborar coa organización deste concerto e apoiar todas as actividades da banda municipal, fundamental para a ensinanza musical en Viveiro desde hai máis dun século”, afirma a alcaldesa, María Loureiro.

Saúdos, Comunicación do Concello de Viveiro