FEIRA SPORTUR DE OURENSE

O CONCELLO DE VIVEIRO PROMOCIONA O SEU POTENCIAL DE DEPORTE E NATUREZA CUN STAND PROPIO NA FEIRA SPORTUR DE OURENSE

Viveiro, 20 de novembro de 2021.- O Concello de Viveiro está presente en Sportur, o salón do deporte e turismo activo que celebra en Expourense onte e hoxe a súa cuarta edición.

Viveiro conta cun stand propio no que se ofrece información sobre o municipio e, en concreto, sobre as diferentes opcións que o nconcello ofrece a todos aqueles visitantes que queiran disfrutar do turismo deportivo.

No día de onte acudiron á feira María Soledad Rey Yáñez, concelleira de Turismo, e César Iglesias Docal, concelleiro de Deportes, que mantiveron diversas reunións cos touroperadores presentes.

Estes touroperadores, de distintos lugares de España e Portugal, manifestaron o seu interese en levar grupos de turistas a destinos diferentes, destinos máis virxes, como é Viveiro.

Trátase dunha feira de deporte e turismo activo, destinada a todos os públicos, tanto para deportistas como afeccionados ou principiantes, e para todas as idades, que cada vez está a ter máis repercusión, polo que a presenza de Viveiro en este tipo de eventos é importante para promocionar o concello.

Saúdos, Comunicación do Concello de Viveiro