FELICITACION EXPEDIENTE ACADEMICO

O CONCELLO DE VIVEIRO FELICITA A TANIA AGUIAR, MANUEL FERNÁNDEZ E ELENA RÍOS, DO IES MARÍA SARMIENTO, POLOS SEUS EXPEDIENTES DE BACHERELATO

Viveiro, 24 de xullo de 2020. O Concello de Viveiro quere felicitar publicamente a Tania Aguiar, Manuel Fernández e Elena Ríos, alumnos do IES María Sarmiento, polo premio que os recoñece como tres dos estudantes que mellor expediente de bacharelato tiveron en Galicia.

Este merecido premio, polos grandes resultados obtidos, cómpre ser valorado aínda máis atendendo ás circunstancias nas que se desenvolveu este curso académico e as probas da ABAU.

“As notas de Tania, Manuel e Elena son, sen lugar a dúbidas, o resultado do talento, o esforzo e a constancia, polo que se merecen tamén a nosa admiración e recoñecemento, parabéns”, afirma a alcalde de Viveiro, María Loureiro.

Saúdos, Comunicación do Concello de Viveiro