05
Maio
I DUATLÓN ESCOLAR CONCELLO DE VIVEIRO
O CONCELLO DE VIVEIRO SERÁ ESCENARIO ESTE SÁBADO DO I DUATLÓN ESCOLAR CONCELLO DE VIVEIRO
Viveiro, 4 de maio de 2022. O Concello de Viveiro acollerá este sábado, dia 7 de maio, o I Duatlón Escolar Concello de Viveiro, organizado polo Club de Atletismo Egovarros.
Na presentación da proba estiveron a alcaldesa, María Loureiro; o concelleiro de Deportes, César Iglesias Docal; o xefe do Servicio Provincial de Deportes de Lugo, Manuel Otero Méndez; e representantes do Club de Atletismo Egovarros de Viveiro.
Trátase dunha proba clasificatoria para a final provincial de duatlón escolar de Lugo, dirixida a deportistas inscritos e inscritas no programa XOGADE, na actividade deportiva escolar de Duatlon da provincia de Lugo e nas categorías benxamín, alevín e infantil e cadete.
A proba deportiva desenvolverase nas inmediacións do campo de fútbol de Cantarrana e do local da Cruz Vermella, entre as 15:30 e 19:00 horas do sábado.
Saúdos, Comunicación do Concello de Viveiro