17
Novembro
LISTA AXUDAS PEMES E AUTONOMOS
O CONCELLO DE VIVEIRO PUBLICA O LISTADO DE SOLICITUDES ESTIMADAS PARA AS AXUDAS DESTINADAS ÁS PEMES E AUTÓNOMOS AFECTADOS POLA PANDEMIA DO CORONAVIRUS
Viveiro, 11 de novembro de 2020. O Concello de Viveiro informa, con respecto ás axudas para o impulso da actividade económica de Viveiro, dirixidas a autónomos e microempresas obrigados a suspender a actividade pola pandemia, que no día de hoxe a Xunta de Goberno Local aprobou o listado de solicitudes estimadas e desestimadas, procedéndose á súa publicación no taboleiro de anuncios da web municipal (www.viveiro.es, dentro do apartado "concello dixital" e, á súa vez, en "sede electrónica Taboleiro de anuncios").
Está previsto que a vindeira semana se proceda ao ingreso das axudas a aquelas persoas que tiñan solicitado o pago anticipado.
Todos os beneficiarios teñen todo o mes de novembro para presentar a xustificación do 100% da subvención, procedéndose ao pago da totalidade da subvención concedida con posterioridade.
Cómpre lembrar que estas axudas forman parte do Plan de Reactivación Económica de Viveiro acordado entre o equipo de goberno e o grupo municipal Por Viveiro.
https://viveiro.sedelectronica.es/board/975b37c8-f59b-11de-b600-00237da12c6a/
Saúdos, Comunicación do Concello de Viveiro