MARCHA POPULAR EN NEGRO CONTRA AS VIOLENCIAS

O CONCELLO DE VIVEIRO CELEBRA MAÑÁ A MARCHA POPULAR 'EN NEGRO CONTRA AS VIOLENCIAS'

Viveiro, 24 de novembro de 2023.

O Concello de Viveiro, dentro da súa programación para conmemorar o 25N, Día Contra a Violencia Machista, organiza mañá a marcha popular ‘En Negro contra as Violencias’.

A marcha sairá ás 12:00 horas dende os Castelos, en Covas, e rematará na praza Maior de Viveiro, onde haberá unha concentración en silencio para a lectura do manifesto institucional polo 25N.

A alcaldesa de Viveiro, María Loureiro, anima aos veciños e veciñas a participar na marcha e destaca “a necesidade de seguir combatindo a lacra que supón a violencia machista, co obxectivo de conseguir erradicala por fin da nosa sociedade”.

Pola súa banda, a concelleira de Muller e Igualdade, Lara Fernández Fernández-Noriega, sinala “a importancia de sensibilizar e visibilizar o que supón a violencia machista para as vítimas e as familias”.

Saúdos, Comunicación Concello de Viveiro