28
Xullo
NASEIRO 2020
O CONCELLO DE VIVEIRO INFORMA DA SUSPENSIÓN DA CELEBRACIÓN DA ROMARÍA DE NASEIRO
Viveiro, 27 de xullo de 2020. O Concello de Viveiro informa á veciñanza da suspensión da celebración da Romaría do Naseiro.
O Concello de Viveiro e Comisión de Festas adoptaron esta decisión, considerando que é o mellor e máis axeitado tendo en conta a situación actual.
O Concello de Viveiro, ao non ser o organizador da festa, non podía suspender a súa celebración directamente, pero si tiña competencias para non autorizar a súa celebración. Polo momento non había nada tramitado, porque estaba todo falado e consensuado coa Comisión, á espera de valorar a evolución da situación e adoptar unha decisión ao respecto.
O Concello de Viveiro presentará próximamente a programación alternativa que se deseñou para o mes de agosto, dacordo coas medidas e limitacións establecidas polas autoridades competentes e a nova normalidade.
O concello lamenta profundamente que este ano non sexa posible celebrar unha das festas locais máis representativas e agarda que o vindeiro ano poida novamente desfrutar con máis ganas e ilusión desta tradicional romaxe.
Finalmente, o concello quere agradecer á Comisión de Festas polo traballo realizado e manifestar o sus apoio a todas aquelas persoas que se verán prexudicadas, non só polo que o Naseiro significa a nivel festivo e de ocio, senón tamén dende un punto de vista económico, polas consecuencias da súa suspensión.
Saúdos, Comunicación do Concello de Viveiro