-zqcyeeeaeegcqo.jpeg)
23
Xuño
O DEPORTE NON TEN XÉNERO
O CONCELLO DE VIVEIRO REIVINDICA ÁS MULLERES SURFISTAS NA PRIMEIRA XORNADA DO PROXECTO “O DEPORTE NON TEN XÉNERO”
Viveiro, 23 de xuño de 2022. O Concello de Viveiro comezou onte coa primeira cita do proxecto “O deporte non ten xénero”, unha iniciativa impulsada pola concellería de Muller en colaboración co Centro de Información á Muller. A proposta busca achegar ás mulleres a distintos deportes mediante charlas e clases deportivas gratuítas.
Esta primeira cita do programa centrouse no surf, de modo que na tarde de onte, a sala multiusos do Concello de Viveiro recibiu ás deportistas Claudia Prieto e Lucía Martínez. Ambas compartiron a súa exitosa experiencia neste deporte co público asistente.
Dende o Concello de Viveiro celébrase a alta asistencia ao encontro, que permitiu dar visibilidade a estas dúas rapazas cuxos éxitos reivindican o deporte feminino e o talento viveirense.
Como continuación da actividade, hoxe, 23 de xuño, 25 mulleres gozarán dunha clase de surf gratuíta. A sesión busca achegar este deporte ao público feminino.
“Con este tipo de iniciativas damos visibilidade ás mulleres deportistas, acurtando o camiño que nos queda por percorrer en materia de igualdade en eidos como o deporte, a cultura ou o mundo laboral”, sinala Lara Fernández Fernández-Noriega, concelleira de Muller e Cultura.
Saúdos,
Comunicación Concello de Viveiro
-zqcyeeeaeegcqo.jpeg)
-zqcyffeaeegcqo.jpeg)
-zqcycyeaeegcqo.jpeg)
-zqcyffeaeegcqo.jpeg){kind=link}
-zqcycyeaeegcqo.jpeg){kind=link}