OFERTA DE ACTIVIDADES PISCINA 2024

O CONCELLO DE VIVEIRO ANUNCIA A SÚA OFERTA DE ACTIVIDADES NA PISCINA PARA ESTE VERÁN

Viveiro, 15 de xuño de 2024. O Concello de Viveiro oferta nos meses de xullo e agosto unha ampla variedade de actividades na piscina municipal dirixidas tanto a adultos como a nenos e nenas.

Dunha banda, ofrécense cursos intensivos de iniciación á natación para nenos e nenas nados entre os anos 2015 e 2019. As sesión serán os luns, mércores e venres, ás 10.30 para a rapazada nada nos anos 2015, 2016 e 2017; e ás 11.30 para aqueles nados nos anos 2018 e 2019.

Os cursos desenvolveranse do 8 ao 24 de xullo e do 29 de xullo ao 14 de agosto. O prezo será de 10 euros para persoas aboadas á piscina e de 20 euros para non aboadas.

Doutra banda, o Concello de Viveiro propón unha ampla oferta de actividades acuáticas para adultos este verán. Do 8 ao 24 de xullo, ofértanse natación de iniciación (martes/xoves 19.30), TRX (martes/xoves 21.15) e ciclo indoor (martes/xoves) 20.15.

Entre o 29 de xullo e o 14 de agosto, tamén se ofertan adestramento funcional (luns/mércores 21.15 ou martes/xoves 12.00), intervalos (luns/mércores 20.15), natación medio (luns/mércores 19.30), natación iniciación (martes/xoves) 10.00, ximnasia na auga (martes/xoves 11.00), TRX (martes/xoves 19.30) e pilates (martes/xoves 20.30).

No caso de que as solicitudes superen ás dispoñibles, estas sortearanse. A reserva de praza, así como a solicitude de máis información pódese realizar no teléfono 982570610.

Saúdos,

Comunicación Concello de Viveiro