PROCEDEMENTO A SEGUIR PARA SOLICITAR Á XUNTA UN ADIANTO DOS ERTES AUTORIZADOS

O CONCELLO DE VIVEIRO INFORMA Á VECIÑANZA DO PROCEDEMENTO A SEGUIR PARA SOLICITAR Á XUNTA UN ADIANTO DOS ERTES AUTORIZADOS

Viveiro, 4 de maio de 2020. O Concello de Viveiro informa a todos os veciños e veciñas do procedemento a seguir para solicitar á Xunta de Galicia un adianto da presentación dos ERTE’s autorizados.

Poden beneficiarse desta medida as persoas traballadoras cuxas empresas teñan un expediente de regulación temporal de emprego (ERTE) autorizado e comunicado ao Goberno pola Xunta de Galicia e ás que o Estado non lles pagou a súa prestación.

A persoa interesada en solicitar este adianto, debe poñerse en contacto coa súa empresa para o inicio da solicitude. Posteriomente, a empresa debe comunicar, a través dun sinxelo formulario da sede electrónica da Xunta (sede.xunta.gal), os datos necesarios daquelas persoas do seu cadro de persoal incluídas nun ERTE que precisan do adianto.

A empresa poderá facer máis solicitudes para comunicar datos de novas persoas interesadas. A Xunta de Galicia realizará as verificacións oportunas e, nun prazo máximo de 24 horas, remitirá a información das operación validadas a cada unha das entidades financeiras.

A empresa recibirá un correo electrónico de confirmación no momento no que se realice dito envío. As entidades financeiras comprobarán que a solicitude é correcta e informarán ao cliente da autorización do anticipo.

Finalmente, realizarase a formalización do acordo co cliente e posta a disposición do anticipo para o seu cobro: ata 1.500 euros, cun máximo de 750 euros ao mes. Para obter máis información ou calquera consulta ao respecto, as persoas interesadas poden chamar ao teléfono gratuíto 900 815 600.

Saúdos, Comunicación do Concello de Viveiro