01
Outubro
PROGRAMACIÓN TRIMESTRAL DO TEATRO PASTOR DÍAZ
A MÚSICA E O TEATRO PARA TODAS AS IDADES PROTAGONIZAN A PROGRAMACIÓN TRIMESTRAL DO TEATRO PASTOR DÍAZ DE VIVEIRO
Viveiro, 30 de setembro de 2020. O Concello de Viveiro xa ten lista a programación cultural para o Teatro Pastor Díaz nos meses de outubro, novembro e decembro, co protagonismo da música e o teatro para todas as idades.
A primeira das actuacións previstas, do Coro Mestre Pacheco este sábado 3 de outubro, dentro do programa ‘Musiqueando’, ten que suspenderse debido á situación sanitaria, xa que os espazos cos que conta o concello non reúnen ás condicións idóneas para un espectáculo deste tipo.
Nas próximas semanas pasarán polo escenario do Pastor Díaz Malasombra Produccións, con ‘Bernarda’; Teatro do Atlántico, con ‘Dúas donas que bailan’; Culturactiva Produccións, con ‘Rosalía’, ou a Banda Municipal de Música de Viveiro.
Haberá límite de aforo e será necesario o uso de máscara en todas actividades, ademais de cumprir coa distancia social.
ADXUNTAMOS CARTEL E DÍPTICO COA PROGRAMACIÓN COMPLETA
Saúdos, Comunicación do Concello de Viveiro