Viveiro, 14 de maio de 2021. O Concello de Viveiro, representado por Suso Fernández Fernández, primeiro tenente de alcaldesa, e Mª Antonia Prieto González, técnica de medioambiente, recolleu esta mañá o premio por superar a campaña “Únete ao Reto”. Nun acto en Sanxenxo, os representantes locais recolleron a correspondente acreditación dos 2.000 euros que recibirá Viveiro para doar a unha causa social local, que neste caso será ASPANANE.  

A iniciativa estaba organizada por Ecoembes e a Xunta de Galicia, co obxectivo de mellorar a reciclaxe no colector amarelo e sensibilizar á cidadanía sobre a importancia de facelo correctamente. Durante tres meses, os concellos participantes debían asumir o reto de mellorar a súa achega de envases lixeiros ao contedor amarelo, como latas, briks e enases de plástico. 

Viveiro conseguiu superar o 10% de mellora esixida respecto ao ano anterior, por iso foille concedido o premio para destinar a unha causa social local, escollendo no seu caso Aspanane. 

Dende o goberno local agradécese o traballo da técnica municipal de medioambiente, Mª Antonia Prieto González, quen estivo presente na entrega do premio, xa que a súa dedicación e empeño nestes meses permitiron a consecución deste recoñecemento para o municipio. 

 

Saúdos, 

Comunicación do Concello de Viveiro