14
Xuño
VISITAS CULTURAIS E ROTEIROS ESTE VERÁN
O CONCELLO DE VIVEIRO ORGANIZA UNHA NOVA EDICIÓN DO PROGRAMA DE VISITAS CULTURAIS E ROTEIROS ESTE VERÁN
Viveiro, 12 de xuño de 2021. O Concello de Viveiro retoma a celebración do programa estival de visitas guiadas, que terá lugar desde o 1 de xullo ata o 30 de setembro.
O municipio recupera desta forma unha das súas principais actividades turísticas durante os últimos anos, que foi suspendida por precaución durante 2020 e volve con máis percorridos e destinos.
As actividades terán carácter gratuíto e levarán a cabo todos os días da semana. Un dos seus alicientes será a ampla variedade da proposta, que vai desde visitas culturais a roteiros de sendeirismo, pasando por itinerarios panorámicos en múltiples lugares de interese da localidade.
As visitas transcorrerán integramente en espazos abertos e respectaranse os límites de aforo, e en xeral, o normativa socio-sanitaria vixente. Para participar, é necesaria reserva previa chamando ao número de teléfono 634 631 461.
Calquera información adicional pode ser consultada no correo electrónico viveirovisitas@gmail.com
Saúdos, Comunicación do Concello de Viveiro